Sedang menata file di pc, nemu ginian waktu sma.
dari pada saya hapus, mending di post siapa tau jadi amal jariyah wkwkwkw
IFTI LUTHVIANA DEWI
16 / XI IPA 2
SMA NEGERI 1 BANTUL
Bondo Iku Ora Penting
Taun baru iki, kanca-kancaku lawas lan aku padha kumpul ing
ngomahku. Deweke crito bab kaluwargane dhewe-dhewe.
“Lanek Mami
ku kae seneng nukoake aku sepatu sing larang”. Kandhane Sita karo ngombe wedang
jus gaweane Simbokku.
“Ulang
taunku wingi kuwi Mami numbaske aku sepatu regane sangangatus ewu”. Teruse
Sita.
“Wah larang
banget kui Sit”, jawabku melu seneng.
“Beda meneh
karo aku Sit”, celathune Lola. “nek Papaku senengane gonta-ganti mobil sik
dianggo ngeterke aku sekolah”.
“Weleeeeh”,
aku rada meri tur nggumun. Lha iya wong wong tuane do sukses kabeh kok. Bedo
karo kaluargku sik tetep ana ndesa dadi tani.
“ganti
mobile ben tahun ping piro Lol?’, pitakonku meneh penasaran.
“sesai ping
pindho”, wangsulane bungah lan bangga karo wong tuwane. Kanggo Lola kang wong
tuwane nyambut gawe ono kantor pajek, gonta-ganti mobil sesasi ping pindho yo
ora patiya abot.
“Nek kowe
piye Ndha Nandha?” ganti pitakonku karo kancaku Nandha.
“nek aku
plesir”, Nandha mangsuli pitakonku.
“Plesir?
Nangendi? Bali, Jakarta, Bangka Utawa NTT?”, pitakonku meneh.
“Yaa, Plesir
nang Luwar Negeri, Paris, Thailand, lan Singapore. Taun wingi pas aku ulang
taun, aku diajak plesir Papi ku nang Paris”, kandhane Nandha umuk banget.
Sahenggo senenge kanca-kanca lawasku iki karo
wongtuwane. Kabeh padha turah dhuwit, mula sakpanjalukke bias terwujud. La nek
aku? Di tukokake motor siji wae kredit urung lunas, opomeneh ddhuwe mobil nggo
plesir.
Sawise kanca-kancaku padha bali saka omahku ngrayaake
taun baru iki, aku mberesi gelas-gelas digawa nang pawon, banjur asah-asah.
Banjur Simbokku reresik lan mberesi ruang tamu sik ukurane lumayan cilik iki
sing dianggo njamu kanca-kancaku sik sugih-sugih mau kae. Pas lagi asah-asah
aku nyambi mbayangake upama wong tuwaku sugih, terus kepinginanku opo-opo
keturutan. Sakwise kui Simbooku ngajak aku leren ing ruang tamu. Koyo-koyo reti
sik tak pikirke mau, Simbok banjur ngendika……
Simbok : “diapuro ya Ndhuk”
Aku : “Diapuro menapa ta mbok, Simbok boten
salah menapa-menapa kok ngendika ngonten niku”
Simbok : “Anu”
Aku : “Panjenengan ngendika njaluk
ngapunten, bab menapa ta Mbok?”
Simbok : “Aku mau krungu omong-omonganmu karo
kancamu mau Ndhuk”
Aku : “Lejeng menapa Mbok?”
Simbok : “Diapura yaaaaa, nek kanca-kancamu kui do
sugih-sugih, lan cerita bab sik endah-endah”
Aku : “Endah pripun ta Mbok”
Simbok : “Ya ulang taune ditukokake sepatu larang,
gonta-ganti mobil jemputan, utawa plesir ing luar negeri”
Aku : “ Kula boten masalah kok Mbok”
Simbok : “Aku reti Ndhuk nek kowe yo kepingin kaya
kanca-kancamu sik sugih lan apa-apa keturutan”
Aku mung
meneng wae.
Simbok : “Nukokake motow wae kredit Ndhuk,
opomeneh arep plesir nang luar negeri. Iso-iso awakdewe iso ora madhang setaun
Ndhuk”
Aku : “ Ngapunten Mbok, sanajan Simbok lan
Bapak naming petani, nanging becik bab tumindakipun”
Simbok : “Maksude opo Ndhuk?’’
Aku : “Simbok kedah mangertos, menawi sik
Simbok ngendika wau pancen leres menawi kanca-kanca kula niku sugih-sugih,
ananging……………..”
Simbok : “Ananging piye Ndhuk?”
Aku : “Bapake Nandha niku disangka korupsi
ing kantor pajak papan kerjone”
Simbok : “Bener kui Ndhuk?”
Aku : “Inggih Mbok, bapake Nandha niku sik
asring ana ing berita TV niko lo Mbok”
Simbok : “Weh iyo to, walahhh”
Aku : “Uga Ibune Sita niku skniki sampun
di PHK amargi konangan ngapusi Juraganipun. Lajeng Bapake Lola niku sampun tau
slingkuh kalih skretarise”
Simbok : “Walahhhhhh, kabeh mau mung sandiwara to.
Kanyatane kanca-kancamu ora luwih mulya saka aku”
Aku : “ Inggih, kula nggih kaget kok Mbok
wau sakderenge kanca-kanca kula mantuk semet curhat ngonteniku wau rumiyin”
Simbok : “OOOO walah”
Aku : “ Sanajan Simbok mboten numbaske
sepatu larang, mobil, utawi plesir ing luar negri, kula sampun seneng kok Mbok”
Sakwise kuwi, aku sadar. Nek kasih
saying lan kajujuran ing kaluarga kui luwih penting seko harta lan bondo.
No comments:
Post a Comment