MC
SRIPAH
Assalamu alaikum Wrwb.
Bismillahirroma
nirrohim, Alhamdullilahi robbil alamin, washolatu wasalamu “ala asrofil amyai
war mursalim, waala alihi wasahbihi a’main. Ama ba’du.
Ø Panjenenganipun
para Alim, para Ulama ingkang rinten saha dalu tansan sinandhing kitab suci
wahyuning Illahi pinangka kiblating panembbah, ingkang kula dhereki
Ø Panjenenganipun
para Pinisepuh, saha Sesepuh ingkang pantes kula bekteni
Ø Poro
pangembating projo satriyaning negari ingkang kinaryo pandam pandoming sedoyo
poro kadang, ugi pangembat, pangemban,
soho pangayomaning kawulo dasih, ingkang sami kagungan watak mengku –
hamengku-hamengkoni, soho kasinungan watak Ing ngarso tun tulodho, Ing madyo
mangun karso, Tut wuri handaani, ingkang tansah sinobeng pakurmatan.
Ø Ugi
kulo aturaken dumateng poro tamu pambela sungkawa kakung miwah putri, ingkang
pantes nampi pakurmatan.
Gegandhengan
wedal sampun ndungkap, menopo dene sedaya sampun samekto, pramila acara
hangkating layon Almarhumah Nyai Ngadikem badhe kawiwitan.
Langkung
rumiyin keparenga kula aturaken menggah urut-urutaning adicara mekaten :
-
Sepisan Pambuka
-
Kalajengaken atur
pambagya harja saha atur panuwun saking ingkang nandhang duhkita
-
Sasampunipun atur
pambagya harja, kauwun panjenenganipun Bpk .............ngaturaken pamiting
Jenazah.
-
Sapurnaning pamiting
Jenazah, kasuwun Bapak................ paring Do’a pinangka sangu dhumateng
Jenazah sowan Ngarsa delem Allah SWT.
-
Acoro ingkang pungkasan
panutup.
Menaten
menggah urut-urutaning acoro ing upacara hangkating layon siang meniko.
Poro
Tamu pambelo sungkowo ingkang tansah kinurmatan.
Monggo
acoro ing siang meniko kito awiti kanthi dedonga. Dhumateng Ingkang ngrasuk
agami sanes Islam kasumanggak aken, dene ingkang ngrasuk agami Islam monggo
kulo dherekaken kanthi maos Umul Kitab Alfatihah. Sumonggo.
Dedonga
cekap. Matur nuwun.
Acoro
sak lajengipun, atur pambagyo harjo saha atur panuwun dening ingkang nandhang
duhkito, ingkang samangke dipun salirani panjenenganipun Bapak Sutarjo,
pinongka kepala Dusun Ngupit Patalan. Wedal kaaturaaken, sumonggo.
Acara salajengipun inggih puniko
pamitipun jenazah ingkang dipun salirani panjenenganipun Bapak................
Wedal soho papan kasumaanggakaken.
Dhumateng
panjenenganipun kaaturaken agengi panuwun.
Poro
Tamu pambelo sungkowo ingkang tansah kinurmatan.
Kagem
sangu anggenipun Jenazah Almahumah Nyai Ngadikem sowan dhumateng Allah SWT,
pramilo keparenga panjenenganipun Bpk.......... kersa mangarsani paring Do’a.
Dhumateng
Panjeneganipun, kasumanggakaken.
Para
Tamu Pambela sungkawa ingkang tansah kinurmatan,
Acara
setunggal lan setunggalipun sampun lumampah.
Kantun
acara ingkang pungkasan inggih puniko panutup.
Nanging
sakderengipun panutup, mbok bilih anggen kulo nderekaken acoro ing siang meniko
kaanggep lepat, kulo nyuwun sih samudro pangaksami.
Monggo
acoro kito tutup kanthi waosan Alhamdulillahi robbil alamin.
Wedal
sak lajengipun kulo aturaken dhumateng
Kaaum Rois ing dusun mriki. Dhumateng Bapak Marjuki kasumanggakaken.
Wassamu
alaikum WRWB.
No comments:
Post a Comment